无锡童谣顺口溜包括：

排排坐，吃果果；爹爹转来割耳朵。称称看，两斤半，烧烧看，两大碗。吃一碗，剩一碗，门角落头斋罗汉。罗汉弗吃荤，豆腐面筋囫囵吞。

摇啊摇，摇到外婆桥，外婆叫我好宝宝。糖一包，果一包，买条鱼来烧烧。头弗熟，尾巴焦，盛勒碗里蹦蹦跳；猫吃仔，咪咪笑，狗吃仔，豁虎跳。跳啊跳，一跳跳到卖鱼桥，宝宝乐得哈哈笑。

笃笃笃，买糖粥，三斤胡桃四斤壳，吃着你格肉，还着你格壳。

牵磨、汏磨，做饼瞟舅婆。舅婆来勒啰里？舅婆来勒天上。

眼睛一霎，老鸡婆变鸭。

阿姆婶婶，买块豆腐炖炖。

糯米饭，八宝饭，农民伯伯种出来。

太阳落雨抓小鸡，小鸡伴勒瓮头里……

一碰哭，二碰哭，三碰碰着个鸡蛋壳。勿哭勿哭我勿哭，再哭就是鸡蛋壳。

啥人要？啥人要？我要，我要。你要啥个粥？我要桂花粥，我要赤豆粥。你姓啥？我姓黄。啥个黄？草头黄。啥个草？青草。啥个青？碧咧清。啥个碧？毛笔。啥个毛？三毛。啥个山？高山。

阿大阿二挑荠菜，阿三阿四裹馄饨，阿五阿六吃馄饨，阿七阿八舔缸盆，阿九阿十哭勒一黄昏。

康铃康铃马来了，隔壁大姐归来了。啥个小菜，茭白炒虾，田鸡踏杀老鸦，老鸦告状，告拨文王。文王卖布，卖着姐夫，姐夫关门，关着苍蝇，苍蝇扒灰，扒着乌龟，乌龟放屁，放得满地。

今天礼拜三，上海下来个小瘪三。爬惠山，爬锡山，爬到屁股粉粉碎。打个电话三零三，请个医生猪头三。看看实在不来三，咪哩嘛啦送下山。

今天拾到2分洋钱，我买着一粒单子糖，爸爸打我3记屁股，我嘴一撅，跑到外婆窝里，外婆给窝2只鸡脚爪。

这些童谣顺口溜不仅富有童趣，还体现了无锡方言的独特韵味，是无锡文化的重要组成部分。